«МЮ» бош мураббийи Жозе Моуриньо жамоага жасур ва мард футболчилар етишмаётганидан нолиди.
«Жамоада муаммоли футболчилар бор, майдонда ҳам муаммо туғдираётган футболчилар талайгина. Машҳур теннисчи дўстим менга оғриқ билан жуда кўп марта ўйнаганини айтиб берганди. Рақобатбардош бўлиш учун айнан оғриққа чидаб ўйнаш керак.
Шоу ва Смоллинг? Улар менталитетини ўзгартириши лозим. «МЮ» туфайли, мен туфайли эмас.
Смоллинг оғриқ туфайли 100% ўйнай олмаслигини билдирди. Шоу эса яхши тайёргарликка эга эмаслигини маълум қилди. Натижада, «Суонси»га қарши ўйиндан олдин ҳимоя чизиғини ўзгартиришга мажбур бўлдим.
Ҳар қандай тўсиққа қарамасдан олдинга интилувчи футболчилар билан салгина оғриқ туфайли майдонга тушмайдиган футболчилар орасида катта фарқ бор. «Челси» клубида менда Терри, Лэмпард, Дрогба, Чех, Макелеле каби футболчилар бор эди. Уларга исталган пайтда таяна олардим» - деди Моуриньо The Guardian хабарида.