Ўзбекистон – Иордания ўртоқлик ўйинида жамоаларнинг бошланғич таркиби эълон қилингач, эътиборга молик 2 воқеа юз бериши маълум бўлди.

Биринчидан, ҳимоячиси Анзур Исмаилов 80-марта расмий ўйинларда миллий терма жамоа либосида майдонга тушади. 32 ёшли футболчимиз 2007 йил 2 июль куни Ироқ (2:0) терма жамоасига қарши ўйинда дебют қилган бўлиб, шу пайтгача 79 ўйинда майдонга тушган ва 2 марта рақиб дарвозасига гол урган эди.

Иккинчидан, 30 ёшли яримҳимоячимиз Вадим Афонин 4 йил ўтгач яна терма жамоа либосини киядиган бўлди. У 2012 йил 7 сентябрь куни Қувайт (3:0) терма жамоасига қарши ўйинда дебют қилган ва шундан сўнг бирор марта терма жамоага чақирилмаган эди.