Франция терма жамоаси бош мураббийи Дидье Дешам ЖЧ-саралашида Швецияга қарши учрашув олдидан фикрларини билдирди.
Эслатиб ўтамиз, швед футболчиси Златан Иброҳимович шу йилнинг ёзида терма жамоадаги фаолиятини якунлаган.
"Швеция терма жамоаси Иброҳимовичсиз аввалгидай эмас. У ўзи ўйнаган жамоаларда қандай роль ўйнаганини ҳаммага маълум. Шу жумладан, терма жамоада ҳам. У борлигида бошқача ўйин бўлар эди. Жамоангда Златандек ўйинчи бўлса, ҳамма унга ўйнайди. Улар жамоавий яхши ўйин кўрсатсаларда, олдинда Ибрага таяниларди. Ҳозир Швеция ҳужумида бошқа ўйинчилар. Улар ҳам савияли, аммо қоғозда ҳам, амалда ҳам Златан бўлганида жамоа кучлироқ бўлар эди", - дейди Дешам.
