Шимолий Ирландия терма жамоаси бош мураббийи Майкл О’Нил ЖЧ-2018 сарлашида Озарбйжон терма жамоасига қарши учрашув олдидан фикрлари билан ўртоқлашди.

Эслатиб ўтамиз, Озарбойжон терма жамоаси 3-турдан сўнг 7 очко билан С гуруҳида иккинчи бўлиб турибди. Шимолий Ирландия 4 очко билан учинчи ўринда бормоқда.

"Озарбайжон термаси босқични яхши бошлади, иккита ғалаба ва дуранг, бунинг устига битта ҳам гол ўтказмаган. Биз рақибни ўрганиб чиқдик. Ҳимояда диққат-эътиборли, қарши ҳужумлари яхши таассурот қолдиради. Ўйлашимча, улар биз билан ҳам худди Норвегия ва Чехияга қарши ўйнагандай ҳаракат қилса керак. Улар бу ерга уч очко учун ташриф буюришса керак.

Ҳалаба биз учун жуда муҳим. Кўпроқ очко жамғаришга ҳаракат қиламиз. Айниқса уйда. Чехия ва Германияга қарши ўйинлардан сўнг 4 очкога эга бўлиб турганимиз ёмонмас. Эртага фақат ғалаба учун ҳаракат қиламиз. Озарбайжондан 6 очко ортда қолишни истамаймиз", - дея мураббийнинг сўзларини келтиради azerisport.com.