«Эвертон» бош мураббийи Рональд Куман премьер-лиганинг жорий мавсумида ким ғолиб бўлиши ҳақида ўз фикрини маълум қилди.
«Гапиришга ҳали эрта, аммо «Ливерпуль» мени қойил қолдирди. Балки «Эвертон» мураббийи сифатида бу сўзларни гапириш нотўғридир, аммо жамоа жуда зўр ўйнаб, ҳақли равишда мусобақа жадвалини бошқармоқда. Албатта улар жорий мавсумда чемпион бўлишга қодир. Бироқ «Ливерпуль» бунга ягона номзод эмас» - деди Куман ESPN хабарида.