Бугун “Машъал” Профессионал Футбол Клубининг анжуманлар залида “Болалар ва Ўсмирлар Футбол Мактаби” нинг 2000 йилда таваллуд топган тарбияланувчиларига махсус сертификат ва дипломлар топширилди.

Маросимда клуб бош директори,Қурбонов Илҳом Абдуғаниевич , ҳамда «БЎФМ» директори Юмангулов Абдурахмон Рафаилович, «БЎФМ» катта мураббийи Андаев Дилшод Боймуродовичларва битирувчилар мураббийи Андаев Шерзод ҳамда БЎФМ мураббийилари иштирок этишди.

Маросимда сўзга чиққан клуб бош директори Илхом Абдуғаниевич битирувчиларни табриклаб кейинги фаолиятларига улкан омад ва мувоффақият тилади.

Шундан сўнг табриклаш учун сўзга чиққан «БЎФМ» директори Абдурахмон Рафаилович битирувчиларга кейинги фаолиятлрига омад тилаб, юртимиз футболига ўзларининг беқиёс ҳиссаларини қўшишларини таъкидлаб ўтди.

Шунингдек кечада битирувчиларни «БЎФМ» мураббийлари Д. Андаев,З. Тўрақулов, Ш. Андаев, Ж. Эгамбердиев, О. Авезов, У. Бобоназаров, Ш. Зоировлар ҳам табриклаб ўтдилар.

Шундан сўнг битирувчиларга тантанали равишда махсус сертификатлар топширилди.

Бугунги кунда юртимизда, Футболга берилаётган эътибор таҳсинга лойиқдир “Машъал” Профессионал Футбол Клубининг тарбиялаган ёшлар нафақат юртимизда балки Осиёнинг бир қатор чемпионатларида ҳам тўп суриб келмоқдалар. Ҳозирда нафақат Олий Лигамизда балки қуйи лигаларимиз жамоалари таркибида ҳам клубимиз тарбияланувчилари фаолият юритмоқда. “Машъал” ўзбек футболидаги ёрқин аланга. Биз ҳам тарбияланувчиларимизга омад ёр бўлсин деб қоламиз.