"Реал"нинг собиқ бош мураббийи Висенте дель Боске клуб вакилларига кек сақламаслигини маълум қилди.
Испания термасининг собиқ бош мураббийи "Реал" президенти Флорентино Перес билан муносабатлари унчалик яхши эмаслиги маълум. Перес ўз вақтида Дель Боске билан шартномасини узайтиришни истамаган эди.
"Реал"га ёмонлигим йўқ, аммо баъзан одамлар сени чув туширишади. Ўшанда ерни ағдариб юборгинг келади", - дейди ҳазил оҳангида Дель Боске.
Дель Боске бутун футболчилик фаолиятини деярли "Реал"да ўтказган. Кейин 1999дан 2003 йилгача бош мураббий бўлган. Бу вақт давомида икки марта Чемпионлар лигаси ғолиби, икки марта Испания чемпионлигини, Испания Суперкубоги, УЕФА Суперкубоги ва Қитъалараро кубокни қўлга киритган. 2003 йилда эса Перес у билан хайрлашишни маъқул кўрган.
