Америкалик баскетболчи Леброн Жеймс Вашингтондаги афроамерикаликлар тарихи ва маданияти миллий музейида афсонавий боксчи Муҳаммад Алининг кўргазмасини ташкил этиш ишларига 2,5 миллион доллар хайрия қилди. Бу ҳақда «ТАСС» хабар бермоқда.

«Муҳаммад Али ҳар доим мен учун намуна бўлган. Нафақат рингда, ундан ташқарида ҳам — унинг қарашлари, унинг гапирган гаплари ва қилган ишлари», — деди спортчи.

«Мен у ҳақда ҳар куни ўйлайман. Унинг иштиёқи, унинг ғоялари ва қадриятлари — буларсиз мен балки ҳозир бу ерда, қаршингизда ўтирмаган бўлардим», — қўшимча қилди Жеймс.

Илгарироқ кўргазма жамғармасига таниқли баскетболчи Майкл Жордандан 5 миллион доллар келиб тушган эди.