«Манчестер Юнайтед» бош мураббийи Жозе Моуриньо АПЛ 12-туридан ўрин олган «Арсенал» клубига қарши ўйиндан олдин ўз фикрини маълум қилди.

«Эртага, «Арсенал»га қарши ўйинда лигада энг яхши кўрсаткичга эга икки мураббий тўқнашади. Чунки айни пайтда Алекс Фергюсон ишламаяпти.

Венгер иккаламиз 6 ёки 7 марта АПЛ чемпиони бўлганмиз. Мен уч марта, Венгер уч ёки тўрт марта, аниқ билмайман.

Шу туфайли, жамоаларимиз ёмон натижа кўрсатган тақдирда ҳам бизни ҳурмат қилишлари шарт. Аммо Венгерни ҳурмат қилишади, мени эса йўқ. Ваҳоланки, сўнгги чемпионлик унвонимни 18 ой бурун қўлга киритганман, 18 йил олдин эмас.

Мен ўз услубимда ишлашда давом этяпман ва тўртинчи марта АПЛ ғолиби бўлмоқчиман» - деди Моуриньо The Guardian хабарида.