"Қўқон-1912" учун мавсумнинг якуний қисми омадли келмоқда. Нўмон Ҳасанов шогирдлари кетма-кет тўртинчи учрашувда майдонни мағлубиятсиз тарк этишмоқда. Ғузор шаҳрига ғалаба учун ташриф буюрган қўқонликлар “Шўртан”га қарши кечган баҳсни юқори савияда ўтказиб, 2:0 ҳисобидаги ғалаба билан ортга қайтишди.
Учрашувни "Қўқон-1912" вакиллари шиддатли тарзда бошашди. Бу эса 13-дақиқада ўз самарасини берди. Жавоҳир Сиддиқов супер зарбааси эвазига ҳисобни очишга муваффақ бўлди. Шундан кейин ҳар икки жамоада ҳам рақиб дарвозасини ишғол этиши учун қулай имкониятлар вужудга келди. Аммо биринчи бўлим якунига қадар ҳисоб ўзгармай қолди.
Танаффусдан кейин янада шиддатли тарзда ўтказишди. "Қўқон-1912"нинг қарши ҳужумлари хавфли тус олди. Мезбонлар эса позицион ҳужумларда ўз бахтини излашди. Лекин ғузорликларни барча ҳаракатлари чипакка чиқди.
Ҳакам томонидан қўшиб берилган дақиқаларда Баҳодир Акрамов рақиб дарвозасини аниқ нишонга олиб, ҳисобни 0:2га етказди.
Шу тариқа, Ғузорда қимматли уч очкога эга бўлган "Қўқон-1912"нинг очколари сонги 26 тага етди ва Олий лигада қолиш вазифасини уддалади. Барча мухлисларимизни ажойиб ғалаба билан табриклаймиз.
Олий лига
29-тур
«Шўртан» (Ғузор) – «Қўқон-1912» (Қўқон) 0:2 (0:1)
Ҳакамлар: Ҳ. Рўзиев (Тошкент), А. Усмонов (Тошкент), С. Шоюсупов (Тошкент), А. Шукуруллаев (Тошкент)
Назоратчи: Р. Айтеков (Тошкент).
Голлар: Жавоҳир Сиддиқов 13, – 0:1. Баҳодир Акрамов 90+1, – 0:2.
“Шўртан”: 93.Алибек Туропов 3.Хасанбой Эргашев 6.Аббос Амонов 7.Олимжон Каримов 8.Суннатилла Мамадалиев 9.Игорь Таран (50.Севдиёр Ҳамроқулов, 89) 11.Зафар Полвонов 14.Умарбек Эшмуродов 18.Элдор Бойматов 19.Маъруфжон Муродов (17.Ғулом Раҳмонов, 64) 48.Вусол Магеррамов (25.Асрор Алиқулов, 88).
Захира: 16.Акмал Рахимов 20.Шахзодбек Хурсанов 27.Элёр Тоғаев 30.Нурали Падаров .
“Қўқон-1912”: 12.Азиз Ашуров 5.Жалил Кимсанов 14.Авазхон Маматхўжаев 17.Азиз Тўхтабоев (15.Маъруф Зокиржонов, 46) 26.Ойбек Рустамов 55.Дарко Гожкович 70.Собир Ҳамидов (6.Баҳодир Акрамов 62), 75.Иброҳим Раҳимов 83.Никола Валентич 90.Суҳроб Бердиев 99.Жавоҳир Сидиқов.
Захира: 1.Руслан Матниязов 4.Миржалол Қурбонов 22.Ориф Мамажонов 49.Шоҳруҳ Холматов 89.Миртўра Акбаров.
