«Манчестер Юнайтед» бош мураббийи Жозе Моуриньо «Эвертон» клубидаги ҳамкасби Роналд Куманни Мемфис Депайга қизиқиш билдираётгани ҳақидаги гапларига изоҳ берди.
«Мен бунақа шарҳларни бермасликка ҳаракат қиламан. Агар кимдир мендан бошқа клуб футболчиси ҳақида сўраса, унга жавоб бермайман, чунки у мени футболчим эмас.
Футболчи бошқа клубда ўйнамоқда, бошқа мураббий билан ишламоқда. Демак, ҳеч қандай шарҳ билдирилмаслиги керак.
Мен аҳлоқ қоидаларига риоя қиламан. Агар «Эвертон» футболчиси билан қизиқаётганимни айтсам, менда муаммо пайдо бўларди» - деди португалиялик мутахассис.
