Исландия терма жамоасининг бош мураббийи Ҳеймир Ҳадлгримссон ёш, иқтидорли футболчилар катта пулга эга бўлиши биланоқ, ривожланишдан тўхтаб қолаётгани ҳақида гапирди.
«Футболда катта пуллар айланмоқда. Ёш, иқтидорли футболчилар тезда пул топиб, жуда эрта бойиб кетмоқда.
Ҳаваскорлар футболининг яхши томони шундаки, ҳар доим ўз ўйинингизни ривожлантириб боришга ҳаракат қиласиз. Юқори савияга эришиш учун интилаверасиз. Иштиёқ кучли бўлади.
Агар жуда эрта бой бўлиб қолсангиз, иштиёқ камаяди, ўйин сусаяди. Ҳаётингиз енгиллашгани боис, ривожланишдан тўхтаб қоласиз. Муаммо мана шунда» - деди мураббий.