«Барселона» бош мураббийи Луис Энрике ҳужумчи Пако Алькасернинг «Малага» (0:0) клубига қарши ўйиндаги ҳаракатларига баҳо берди.

«Валенсия»дан келиб қўшилган футболчи каталонияликлар таркибида 8 та ўйин ўтказиб, ҳали бирорта гол уролмаган.

«Алькасер барча футболчилар қатори ўйнади. У яхши баҳога лойиқ ҳаракат қилди. Янги футболчи гол уриб бошлаши учун бироз мухлат керак. Айни пайтда ундан мамнунман. Баъзи ҳолатларда футболчилардан бажариб бўлмас вазифаларни талаб қилмаймиз» - деди Луис Энрик Marca хабарида.