«Тоттенхэм Хотспур» раҳбарияти қадрдон «Уайт Харт Лейн» стадионига қайтиш ҳақида ўйламоқда, деб хабар беради Daily Mail.

Жамоа уй учрашувларини «Уэмбли» стадионида ўтказиб келаётган эди. Аммо футболчилар бу ердаги қониқарсиз натижалардан норози бўлиб, эски стадионга қайтишни талаб қилишди.

Агар «Тоттенхэм» Чемпионлар лигаси гуруҳ босқичида учинчи ўринни эгаллаб, Европа лигаси йўлланмасини қўлга киритса, у ҳолда «Уайт Харт Лейн» стадионига қайтиши мумкин.

Аввалроқ «Тоттенхэм» «Уэмбли» стадионида «Монако» (1:2) ва «Байеру» (0:1) клубларига ютқазган, аммо ҳар бир ўйинга 85 минг чипта сотиб, рекорд ўрнатган эди.