"Реал"нинг собиқ яримҳимоячиси Жюльен Фобер клубнинг афсонавий ҳужумчиси Рауль ўз вақтида клубни норасмий бошқаргани ҳақида ҳикоя қилиб берди.

"Бир куни клуб матбуот-атташеси қўлида мен берган интервью билан "Реал" кийиниш хонасига кириб уни... Раулга кўрсатди ва уни чоп этиш мумкинми, йўқми дея сўради чунки унда Рауль ҳақида ҳам гап борган эди.

Умуман олганда, Рауль ўзини жуда оқил тутар эди. Унинг шахсий физиотерапевти бор эди, автобусдан биринчи бўлиб тушарди. Бир тмондан қараганда, "Реал"да унинг ўз дунёси бор эди, чунки, аслида бутун клубни у назорат қиларди. Бошқа томондан, у ўзини ҳеч қачон калондимоғ тутмас, жуда кўп ишлар ва доим ўсишга интилар эди. Уни хушмуомала эди, дея олмайман, аммо сўзсиз оқил эди.

Бизга машғулотларда Рауль билан жуда ҳтиёткор бўлишимиз айтилган эди. Унинг оёғига тепиш тақиқланган, унинг жароҳат олиши ёки лат ейиши мумкинмас эди", - эслайди Фобер.