Москва шаҳри туризм бошқармаси бошлиғи Александр Бандурин Конфедерациялар кубоги-2017 ва ЖЧ-2018 мусобақаларида пойтахтга келадиган сайёҳлар сонини чамалади.
"Агар мақсадли аудиторияни олсак, Конфедерациялар кубогига қўшимча 200 минг сайёҳ келиши кутилмоқда, жаҳон чемпионатига эса - ярим миллиондан бир миллионгача. Булар айнан мусобақага келадиган сайёҳлардир.
Меҳмонхоналарни шай қилиб қўйдик. Москва учун шунча миқдорда қўшимча сайёҳларни қабул қилиш муаммо эмас. Ёзда бизга ойига 3,5 миллион сайёҳ ташриф буюради, ўйлайманки, уддалаймиз.
Хавфсизлик нуқтаи назаридан маълум ишлар қилинмоқда, бизга бошқа шаҳарлардан қўшимча милиция келади. Сайёҳлар учун махсус маршрутлар йўлга қўйилади. Масалан, немислар учун немис тарихига мансуб маршрут таклиф қилинади ва шунга ўхшаш. Бизда катта тажриба бор" - дейди Бандурин.
Москвада ЖЧ-2018 мусобақасининг очилиш маросими ва битта яримфинал ва финал учрашуви бўлиб ўтиши белгиланган.
