«Атлетико» фанати Хосе Антонио Кампон УЕФА ташкилоти ва ЕЧЛ финалини бошқарган ҳакам Марк Клаттенбургни судга берди.
Мухлис ва унинг адвокати фикрига кўра, Серхио Рамос томонидан урилган голда офсайд ҳолати бўлган ва у инобатга олинмаслиги керак эди. Энди фанат 1660 евро миқдорида компенсация тўланишини талаб қилмоқда, деб хабар беради ESPN.
«Гол ўйиндаги ҳолатни ўзгартирди ва жамоалардан бирига фойда берди. Агар сиз кинотеатрга борсангиз, овоз йўқлиги учун пулингизни қайтариб олишингиз мумкин. Бу ҳолат ҳам шунга ўхшаш... Маълум қоидалар бор ва улар бузилган. Шунинг учун ҳам биз иш берувчи (УЕФА) ва ишчини (Клаттенбург) судга беришга қарор қилдик» - деди адвокат Карлос Мендес.
