"Манчестер Юнайтед" бош мураббийи Жозе Моуриньо АПЛ натижаларини олдиндан тахмин қилиб бўлмаслиги ва унинг жамоаси чемпион бўлиши мумкинлигини айтди.
"Охирги марта 18 йил олдин... Кечирасиз, 18 ой олдин чемпион бўлганимда чемпионатнинг маълум қисмида мен 10 очко фарқ билан олдинда эдим, бир ойдан сўнг "Манчестер Сити" билан очкомиз тенглашиб қолди.
Биз уларга 10 очко йиғиш учун бир ой вақт берган эдик. Бу декабрь ойи охиримиди, январь ойи бошимиди, биз 10 очко фарқни йўқотиб қўйдик. Аммо кейин яна етакчликни қўлга олдик ва чемпион бўлдик. Шунинг учун очколар йиғишинг, бошқалар эса очко йўқотишлари мумкин.
Мавсум давомида баъзан ҳамма нарса сенга қарши бўлади, вақти келса ҳамма нарса сенинг фойдангга ишлайди. Ўйин тугамаганлигини биламиз, бу масофа учун ўйинлигини тушунишимиз муҳим", - дейди Моуриньо.
