“Бунёдкор” – “Локомотив” учрашувидан кейинги матбуот анжуманининг биринчи қисмида “темирйўлчилар” устози иштирок этди.

- Аввало, стадион ходимларига ўз миннатдорчилигимни билдириб ўтмоқчи эдим. Ноқулай об-ҳаво ҳарорати туфайли қор ёғганига қарамасдан майдонни жуда сифатли қилиб тайёрлашди ва жамоаларга яхши шароит яритиб беришди. Ўйинга келадиган бўлсам, учрашув тенг курашлар остида ўтди. Уч кун аввал ҳам деярли шундай бўлганди. Яратган иккита вазиятимиздан биттасини голга айлантира олдик. Омад бизга кулиб боқди. Футболда омад кучлиларга кулиб боқишини унутмаслик керак. Финалга чиқдик энди Самарқандда ўтадиган баҳс ҳақида бош қотирамиз. “Насаф” бизга нисбатан яхшироқ тайёргарликка эга бўлиши мумкин. Бироқ финал олдидан имкониятларни 50/50 деб баҳолайман, - дейди Андрей Геннадьевич.