«Челси» ярим ҳимоячиси Виллианга «Манчестер Юнайтед» қизиқиш билдирмоқда.
Маълумотларга қараганда "қизил иблислар" 28 ёшли бразилиялик футболчини қишки трансфер даврида сотиб олмоқчи ва унинг учун "Челси"га 40 миллион фунт таклиф қилишга тайёр. Футболчининг хизматига шахсан "МЮ" бош мураббийи Жозе Моуриньо қизиқмоқда.
Ушбу мавсумда Виллиан «Челси» сафида АПЛ доирасида саккизта ўйинда майдонга тушиб, 2та гол урди. Ярим ҳимоячи ёзда жамоаси билан 2020 йилгача бўлган янги шартномага имзо чекканди.