"Сандерленд" бош мураббийи Дэвид Мойес "Ливерпуль"дан учралган мағлубиятдан сўнг (0:2) рақиб жамоаси бош мураббийининг сўзларига изоҳ берди.
"Ливерпуль"нинг германиялик устози "Сандерленд"ни фақат бутун жамоа бўлиб ҳимояга ўтириб олиши ҳақида айтган эди.
"Агар чет эллик бўлганимда ҳам, мени бунинг учун ҳеч ким шарафламаган бўлар эди. Бизда "Ливерпуль"дагидек савияли футболчилар йўқ. Мен айнан ҳимоявий ўйин кўрсатишимиз кераклигини билар эдим. Улар яқинда 6:1 ҳисобида ғалаба қозонишди, биз ҳам худди шундай енгил мағлубиятни истамадик. Умид қиламанки, келажакда "Энфилд"га очиқ футбол ўйнайдиган жамоа олиб келаман, аммо ҳозир мени ҳамма нарса қониқтиряпти.
Менинг вазифам "Энфилд"га келиб "Ливерпуль" мухлисларини кўнглини чоғ қилишдан иборат эмас, мақсадим - "Сандерленд" учун очко олиш. Биз бунга ҳаракат қилдик, тўғри буни уддалай олмадик, аммо ҳаракат қилдик", - дейди Мойес.