"Арсенал" бош мураббийи Арсен Венгер жамоа ҳужумчиси Алексис Санчеснинг шаънига мақтовларни аямади.
"Ўйлашимча, Алексис ўз ўйинига жамоа учун курашишни қўшди. Умуман, у табиатан ғолиб, ғалаба қозониш учун қўлидан келган ҳамма нарсани қилади. Бундан ташқари у тактик жиҳатдан ҳам ўсди.
Унда туғма тўпурарлик қобилияти бор. Унга тўп тушса исталган ҳимоячига қарши юриб, олдинга интилади. Дриблингни баъзан ҳаддан ошиқ қўлласада, у ҳужумчи учун муҳим сифат", - дейди Венгер.
Санчес ушбу мавсумда АПЛда 13 учрашув ўтказиб, 8та гол урган ва 3та голга ёрдамлашиб юборган.
