Англия футбол ассоциацияси Гарет Саутгейтни бош мураббий қилиб тайинлаганини эълон қилди.

Мутахассис билан 4 йиллик шартнома имзоланди.

«Ишга тайинланганимдан мамнунман. Энди уни сифатли бажармоқчиман. Ўз вазифамни бажаришга киришишни интизорлик билан кутаман. Мухлисларимиз терма жамоадан фахрланишини, уни ўйинларини завқ билан томоша қилишини истайман» - деди Саутгейт бунга изоҳ бераркан.

Эслатиб ўтамиз, Саутгейт 4 ўйин давомида бош мураббий вазифасини бажарувчи бўлиб ишлади. Жамоа у билан Мальта (2:0) ва Шотландияни (3:0) мағлуб этди, Словения (0:0) ва Испания (2:2) билан дуранг ўйнади.