«Барселона» клубининг собиқ президенти Жоан Гаспар бўлажак «Эл Класико» ва «Реал»га мухлислик қиладиган Ла Лига президенти Хавьер Тебас ҳақида ўз фикрини баён қилди.
«Зиданга қойил қоламан, чунки у буюк футболчи бўлган. Аммо унга мағлубият тилашга мажбурман, чунки у «Реал»ни бошқармоқда.
«Барселона» «Эл Класико»да ғолиб чиқади, чунки ғалабага унга кўпроқ керак. Нима бўлган тақдирда ҳам, чемпионат шанба куни якунланмайди.
Тебас биздан узр сўраши шарт, акс ҳолда ўз лавозимни тарк этиши керак. Мулозим ҳар доим холис бўлиши лозим» - деди Гаспар.
