«Реал» ҳужумчиси Криштиану Роналду устидан солиқларни тўлашдан бўйин товлаганлиги учун жиноий иш очилади, деб хабар бермоқда Испания нашрлари.
Аввалроқ, футболчи ўз агенти Жорже Мендеш ёрдамида даромадларини яширгани ва солиқларни тўлашдан бўйин товлагани ҳақида Football Leaks портали хабар берган эди.
Хусусан, сўнгги 7 йил ичида Роналду 150 млн евро маблағни оффшор фирма орқали ўзлаштирган. Бундан ташқари, 74,7 млн еврога тенг маркетинг ҳуқуқини сотишда 31 млн евро миқдоридаги солиқни тўламаган.
Худди шундай фирибгарликда Жозе Моуриньо ва Радамел Фалькао ҳам гумонланмоқда.