Football Italia А сериядаги энг ёмон легионерга топшириладиган «Олтин ахлатдон» «соврини» номзодларини эълон қилди.
Рўйхатдан «Интер» клуби футболчиларидан Стеван Йоветич, Фелипе Мело ва Жоффре Кондогбья жой олди.
Шунингдек «Сампдория»нинг бразилиялик ҳимоячиси Додо ва «Барселона»дан ижарага олиниб, 6 ойдан сўнг қайтариб юборилган Мартин Монтойя ҳам номзодлар орасига киритилди.
«Соврин»га асосий даъвогар сифатида «Фиорентина»да ўйнаган Марио Суарес кўрилмоқда. У 15 млн еврога сотиб олинган ва ярим йил ўтгач, «Уотфорд» клубига 5,3 млн еврога сотиб юборилган эди.
