«Манчестер Сити» бош мураббийи Хосеп Гвардиола АПЛ 14-туридан ўрин олган «Челси» (1:3) клубига қарши ўйиндан кейин ўз фикрлари билан ўртоқлашди.

«Челси»ни ғалаба билан табриклайман. Биз яхши ўйнадик, вазиятларни яратиб, ўйинни назорат қилдик. Бироқ тўпни жарима майдонига етказишда кўп хато қилдик.

«Челси» ўйинга умуман бошқача ёндашар экан, аммо бу футболнинг бир қисми. Улар 25та вазиятни ярата олишмади. Учта вазиятни яратиб, учта гол уришди.

Мен бу ерда ишлашдан фахрланаман, аммо ҳакамларнинг баъзи ҳаракатларини тушунмайман.

Агуэро ва Фернандиньони четлатилиши? Ҳар иккаласи ҳам дадилроқ ҳаракат қилишди – фақат шуни айта оламан.

Биз қўлимиздан келган ишни қилдик, футболчиларимдан фахрланаман. Ғалаба қозониш учун етарлича вазият яратгандик» - деди Гвардиола.