"Арсенал" бош мураббийи Арсен Венгер Англия чемпионатида "Вест Ҳэм" устидан қозонилган ғалабадан сўнг (5:1) фикрлари билан ўртоқлашди.

"Биз ишончли ўйин кўрсатдик ва ажойиб натижага эришдик. Жуда кўп вазиятлар яратдик ва айтиш мумкинки, "Вест Ҳэм" уйида ўзини ишончли ҳис қилмади. Бунинг устига биз жуда зўр ўйнадик.

Санчес (хет-трик муаллифи) ўйинга тез киришиб кета олмади, аммо у ҳар доим кутилмаган нарсаларни бажаришга қодир. У жангчи ва маҳоратли ўйинчи, у кабилар кам. У ҳар доим ҳайрон қолдиришга қодир. Қўшимчасига ажойиб техникага эга.

Ўйлашимча, биз яхши тезликка эга бўлдик ва шу руҳда давом этишимиз керак", - дейди Венгер.

"Арсенал" 14 ўйиндан сўнг АПЛ жадвалида иккинчи ўринга кўтарилиб олди.