Англия терма жамоаси бош мураббийи Гарет Саутгейт "Кристал Пэлас" яримҳимоячиси Уилфрид Заха билан гаплашиб олмоқчи.
Гап шундаки, 24 ёшли футболчи аввалроқ тарихий ватани бўлмиш Кот-д'Ивуар терма жамоаси учун ўйнашга қарор қилганини эълон қилган эди. Аммо Саутгейтнинг фикрича, футболчи ўз қарорини ўзгартириши керак.
"Мен у билан ёшлар терма жамоасида ишлаганман ва у бу мавсум жуда яхши ўйнамоқда. Мен у ҳақида "Кристал Пэлас" бош мураббийи Алан Пардью ва клуб президенти Стив Периш билан гаплашдим. Унда иқтидор бор клубида ишлари яхши. У якуний қарор чиқаргунча.гаплашиб олмоқчиман", - дейди Саутгейт.