«Интер» клубининг собиқ бош мураббийи Франк де Бур жамоадаги вазият ҳақида гапирди.

«Интер»да нималар юз бермоқда? Ҳаммаси жуда оддий. У ерда хитойлик хўжайинлар, индонезиялик президент ва италиялик директорлар кенгаши бор. Ҳаммасида бошқарув ваколати бор, аммо аслида ҳеч ким ҳеч нарса учун жавоб бермайди. Бошбошдоқлик - «Интер»нинг энг катта муаммоси.

Уларни барчаси клубни чўққига қайтишини истайди, аммо бунга вақт керак. Айни пайтда Чемпионлар лигасида ўйнаётган «Наполи» клубига қаранг, улар бунга 8 йил давомида эришган. «Интер» эса бунга икки ҳафтада эришмоқчи. Иш бундай тарзда олиб борилмайди» - деди Франк Goal хабарида.

Эслатиб ўтамиз, ёзда "Интер" клубини қўлга олган Франк де Бур 86 кундан сўнг истеъфога чиқарилган эди.