"Милан" бош мураббийи Винченцо Монтелла А сериянинг 15-турида "Кротоне" устидан қозонилган ғалабага шарҳ берди (2:1).

"Кутилганидек, бу қийин ўйин бўлди. "Кротоне" футболчилари ўз жамоаси учун қандай жон беришни яхши билишади. Тўғрисини айтсам, биринчи бўлим иккинчисига қараганда менга кўпроқ ёқди. Бу ҳақли ғалаба. "Кротоне"га олқишларим, аммо "Милан" бундан ҳам ортиғига лойиқ эди.

Жанлука Лападула ғалаба тўпини киритди. Охирги ойда унинг истиқболи ва даражаси ошди, бунга меҳнати билан эришди. Умид қиламанки, унинг бу чанқоқлиги келажакда ҳам йўқолмайди. У ҳозир катта эртакнинг ўртасида турибди", - дейди Монтелла.