Англия футбол ассоциацияси (FA) «Челси» яримҳимоячиси Сеск Фабрегасни «Манчестер Сити» (3:1) клубига қарши ўйиндаги қилиғи учун жазолаши мумкин, деб хабар бермоқда Daily Mail.
Футболчи «шаҳарликлар» яримҳимоячиси Фернандиньога тарсаки туширган, бироқ бош ҳакам буни пайқамай қолган. Фернандиньо эса Фабрегасни итариб, майдондан чиқариб юборган ва қизил карточка билан жазоланган.
Бундан ташқари, икки жамоа футболчилари орасида юзага келган можарода 30 дан ортиқ киши иштирок этган. Айни пайтда FA воқеа тафсилотларини ўрганиб чиқмоқда ва унинг натижасига кўра жазо чораларини қўллайди.
