«УЗРEПОРТ ТВ» телеканали Европа Чемпионлар лигасидан ўрин олган иккита учрашувни мухлислар эътиборига "жонли" эфирда намойиш қилади.
6 декабрдан 7 декабрга ўтар кечаси соат 00:45да "В" гуруҳидан кейинги босқичга йўл олиш учун курашаётган икки жамоа "Бенфика" ва "Наполи" ўзаро тўқнаш келади. Айни пайтда Португалия ва Италия жамоаси гуруҳда бир хил 8 очко тўплаган ҳолда биринчи ва иккинчи поғонада боришмоқда.
3-ўринда бораётган "Бешиктош"да эса 7 очко бор ва бу жамоа юқоридаги клубларни изма-из таъқиб қилиб келяпти. 6-турда туркияликлар сафарда гуруҳ аутсайдери "Динамо" билан куч синашишади. Шу сабабли "Бенфика" ҳам, "Наполи" ҳам сўнгги турда фақат ғалаба учун курашишга мажбурлар.
7 декабрдан 8 декабрга ўтар кечаси соат 00:45да "Лион" клуби ўз майдонида "Севилья"ни қабул қилади. Ушбу жамоалар ўрин олган "Ҳ" гуруҳида ҳам кураш анча қизғин кечяпти. Биринчи ўриндаги "Ювентус"да 11 очко бор.
"Севилья" эса 10 очко билан 2-поғонада боряпти. 3-ўриндаги "Лион"да 7 очко мавжуд ва улар сўнгги турда ғалаба қозонадиган бўлишса, очколар сони бўйича "Севилья"га етиб олишади. Шу сабабли бу гуруҳда ҳам кураш жуда қизғин кечади.
УЗРEПОРТ ТВ телеканали юқоридаги икки ўйинни "жонли" эфирда намойиш қилади.
