«Реал» клубининг яна бир неча нафар футболчиси солиқлардан бўйин товлаганликда айбланиши мумкин.

Football Leaks сайти хабарига кўра, Пепе ва Фабиу Коэнтрау тижорат фаолиятидан олинган даромадларни яшириш мақсадида сохта фирмаларнинг хизматидан фойдаланган.

Expresso хабарига кўра, Коэнтрау 3,5 млн евро миқдоридаги даромадни яширган. Аммо у текширув остига тушадиган муддатнинг бир қисмида Португалияда яшаганини исботлаб, Испания солиқ идораси билан келишувга эришган. Қолган қисми учун 853 минг евро солиқ тўлаган.

Пепе сохта фирма хизматидан фойдаланиб, 3,77 млн еврони яширган. Ҳар иккала футболчининг агенти Жорже Мендеш саналади.

Бундан ташқари, Football Leaks ҳужжатларида «Реал» яримҳимоячиси Лука Модричнинг номи ҳам бор.