«Тоттенхэм» бош мураббийи Маурисио Почеттино Чемпионлар лигасидан ўрин олган ЦСКА клубига қарши ўйиндан олдин ўз фикрларини маълум қилди.
«Чемпионлар лигаси плей-оффига чиқолмадик. Энди Европа лигасига эътибор қаратамиз. Бу мусобақа биз учун муҳим. Биринчидан, «Уэмбли»да яна бир неча ўйин ўтказамиз, бу стадион келгуси мавсумда ҳам уйимиз бўлади. Иккинчидан, бир неча мусобақада ўйнаш натижасида ёшларни синаб кўришимиз мумкин.
Ижобий кайфиятни сақлаб қолган ҳолда, ЦСКА клубини мағлуб этишга ҳаракат қиламиз. Бу бизнинг вазифамиз» - деди Почеттино.
Эслатиб ўтамиз, Европа лигасига чиқиш учун «Тоттенхэм»ни дуранг натижа ҳам қониқтиради.
