"Манчестер Сити" бош мураббийи Хосеп Гвардиола ЕЧЛ гуруҳ босқичининг 6-турида "Селтик" билан учрашувдан сўнг (1:1) фикрларини билдирди.
"Мен жуда бахтиёрман. Биз кучли жамоага қарши ҳақиқатан ҳам кучли ўйин кўрсатдик. Тажрибали ўйинчиларимиз ёшларимизга ёрдам беришди. Бу ёшлар учун яхши тажриба бўлди. Улар машғулотда яхши қатнашиб бунга муносибликларини кўрсатишган эди. Мен уларга ЕЧЛда ўйнаш имкониятини бердим.
Ўйин томошабинларга ёқди деб ўйлайман. Ҳар икки жамоа ҳужумкор ўйин кўрсатди. "Селтик" билан ўйиндан завқ олдик. Плэй-оффга чиққанимиздан хурсандман. Энди қуръани кутамиз", - дейди Гвардиола.
