«Бешиктош» бош мураббийи Шенол Гюнеш Чемпионлар лигасидан ўрин олган «Динамо Киев» (0:6) клубига қарши ўйин ҳақидаги фикрлари билан ўртоқлашди.
«Биз плей-оффга чиқмоқчи эдик ва натижадан ҳафсаламиз пир бўлди. Омадсиз кеча «Бешиктош»нинг бир йиллик меҳнатини чипакка чиқарди. Футболчимизнинг четлатилиши ўйинимизга салбий таъсир қилди. Бугун бир йилда қўлга киритган нарсалардан айрилдик. Бошқа томондан олиб қарасак, тажриба ҳам орттирдик. Қанчалик кўп четлатиш бўлмасин, ўз футболимизни намойиш этишда давом қилишимиз шарт. Мағлубиятга ўзим сабабчиман. Хатоларни тўғирлашга ҳаракат қиламиз» - деди Гюнеш.
Бу мағлубият «Бешиктош»ни плей-оффга чиқишига имкон бермади. Энди жамоа Европа лигасида иштирок этади.
