Евро-2012 мусобақасининг ташкилотчиларидан бири Маркиян Лубкивский Чемпионлар лигасидан ўрин олган «Динамо Киев» - «Бешиктош» (6:0) ўйинидан олдин Киевда юз берган воқеаларга УЕФА ташкилоти қараб турмаслигини айтди.
Гап шундаки, шаҳар марказида украиналик ва туркиялик мухлислар ўртасида тўқнашувлар юзага келган ва бир неча мухлис жароҳат олган эди. Ўйин пайтида эса ҳар иккала жамоа мухлислари пиротехник воситаларни портлатиб, стадион ўриндиқларини бузган ва бир-бирига отган эди.
«Клублар қаттиқ жазоланади. УЕФА бунга қараб турмайди», — деб ёзди Лубкивский фейсбук саҳифасида.
