Чемпионлар лигасининг гуруҳ босқичида «Барселона» ўз гуруҳида биринчи, «Реал» эса иккинчи ўринни эгаллади.

Қоидага кўра, нимчоракфиналга чиққан жамоалар ўз мамлакати ва ўз гуруҳи жамоасига қарши ўйнамайди. Бундан ташқари, биринчи ўринни эгаллаган жамоалар бошқа гуруҳда иккинчи ўринни эгаллаган жамоаларга қарши тўп суради.

Демак, шу қоидага асосланадиган бўлсак, нимчоракфинал баҳсларида «Барселона» ва «Реал» қуйидаги жамоаларга дуч келиши мумкин.

«Барселона» - «ПСЖ», «Бенфика», «Бавария», «Байер», «Порту».

«Реал» - «Арсенал», «Наполи», «Монако», «Лестер», «Ювентус».

Эслатиб ўтамиз, нимчоракфинал баҳсларига қуръа ташлаш маросими душанба куни ўтказилади.