«Манчестер Сити» бош мураббийи Хосеп Гвардиола маст ҳолда автомобилни бошқариб, полиция томонидан ушланган Яҳё Туре ҳақида ўз фикрларини айтди.

«Мен Туре билан гаплашиб олдим. У менга ҳаммасини тушунтирди. Унга ишонаман. Нима юз беришидан қатъий назар, футболчини майдондаги ҳаракатидан келиб чиққан ҳолда қарор қабул қиламан.

У ўйинларга тайёр. Менга яримҳимоячилар ёқади. Агар имконият бўлганида, майдонга 11 яримҳимоячини туширардим. Туре – улардан бири бўларди.

Энди бу ишни якунини кутамиз, кейин кўрамиз» - деди Гвардиола.

Эслатиб ўтамиз, Туре бу иш юзасидан сешанба куни суд олдида жавоб беради.