"Реал" бош мураббийи Зинедин Зидан Испания чемпионатининг 15-турида "Депортиво"га қарши учрашувнинг (3:2) сўнгги дақиқасида ғалаба тўпини киритган сардор Серхио Рамоснинг шаънига мақтовларни ёҳдирди.

"Менинг ўйинчиларим ҳақиқатан ўз кучларига ишонадилар. Биз кўп нарсага қодирлигимизни биламиз. Бу ўйинда бизга қийин бўлди. Биз қийналдик, аммо охиригача омадга ишондик. Албатта, ўйинимиз яхши чиқмади, бунинг устида ишлашимиз кераклиги кўриниб қолди. Аммо биз характер кўрсатдик ва ғалабага эришдик.

Рамосга келсак, у - ўзгача ўйинчи. У жамоа сардори ва юраги. Унинг ғалабага бўлган ишончи ва иродаси бкуилмасдир. У ақлбовар қилмас ўйинчи", - дейди Зидан.