"Манчестер Юнайтед" бош мураббийи Жозе Моуриньюо Генрих Мхитаряннинг жароҳати асосий таркибда Уэйн Руни учун жой кафолатламаслигини маълум қилди.

"Руни Мхитарянни алмаштирадими? Бу чизиқ учун ўйинчиларимз кўп. Руни, Рэшфорд, Депай, Янг, Лингард. Ўйинчи танлашда муаммолар бўлмайди.

Муаммо шундаки, Мхитарян жуда яхши ўйнаётган эди, энди са ўйнай олмайди. У қисқа муддатга бўлсада, сафдан чиқди. Умид қиламанки, у янги йил байрамигача тикланади.

Уни биз сотиб олганмиз, у бошқалар олиб келган ўйинчимас. Уни мен сўраганим учун клуб сотиб олган. Мхитарян жамоага мослашиш жараёнида ўзини профессионал тутди. Бошқаси бўлганида мураббийни, майдонни, об-ҳавони айблаган бўлар эди.

Аммо Мхитарян ўзини хотиржам тутди, ишлади ва имкониятини кутди. У ҳозир яхши ўйнамоқда ва умид қиламанки, жароҳат унинг ривожланишига таъсир қилмайди", - дейди Моуриньо.