"ПСЖ" бош мураббийи Унаи Эмери ЕЧЛ 1/8 финалидаги рақиби "Барселона" билан бўладиган учрашувлар борасида фикр билдирди.
"1/8 финали қуръаси учун турли вариантлар борлигини билардим, барча жамоалар юқори савияда эканини ҳам билардим.
"Барселона" "ПСЖ"га яхши таниш, мураббийлар штабига ҳам ва шахсан менга ҳам. Биз ғалаба қозонишни истаймиз.
Биз иккита яхши ўйин ўтказиш учун тайёрланамиз. Бизда "Барселона" тўсиғидан ўтиш имконияти бор.
Ҳар икки жамоада ҳам ғалабага имконият бор. Фоизларини келтирмайман, аммо "Барселона"га тушганимиздан қониқдим", - дейди Эмери.
Эслатиб ўтамиз, Эмери фаолияти давомида "Барселона"ни бир марта мағлубиятга учратган.
