"Манчестер Юнайтед" бош мураббийи Жозе Моуриньо Англия чемпионатининг 16-турида "Кристал Пэлас" устидан қозонилган ғалабага (2:1) шарҳ берди.

"Жуда қийин, аммо ҳақли ғалаба. Биринчи бўлимда ўйиннинг боришини назорат қилдик. Иккинчи бўлимда рақиб кучайди ва гол урди, шундан сўнг бу ўйиндаги нг яхши футболимизни кўрсатдик.

20 дақиқа давомида бизни тўхтатишнинг иложи йўқ эди. Рунининг зарбасидан сўнг дарвозабон ажойиб сэйв қилди, кейин Мата урди, пенальти бўйича баҳс бўлди. Ўтказиб юборилган голга жамоанинг реакцияси менга ёқди.

Иброҳимович ажойиб ўйин кўрсатди. Урилган голдан сўнг у ҳимояга ёрдам берди. 35 ёшли футболчи учун бу ажойиб ўйин.

Мен хотиржамман ва ўриндиқда ўтириб, ҳиссиётларимни кўрсатмасликка ҳаракат қиламан. Ғалаба қозонмаганимизда ҳам жамоамнинг ўйинидан мамнун бўлар эдим", - дейди Моуриньо.