«Бавария» бош мураббийи Карло Анчелотти Криштиану Роналду ва Лионель Месси ҳақидаги фикрларини баён қилди.

- Роналду тўртинчи «Олтин тўп»ини қўлга киритди, Мессида бешта «Олтин тўп» бор. Биз бу даврларни энг яхши футболчилар кураши даври сифатида эслаб қоламизми?

- Албатта. Кўпчилик учун бу «Месси даври» бўлса, бошқалар учун «Роналду даври»дир. Бир-бирига нисбатан рақобат уларни энг яхши томонларини очиб берди. Месси Роналду туфайли яхши футболчи бўлди ва Роналду ҳам Месси туфайли яхши футболчи бўлди.

- Роналду 31 ёшда. У қачонгача юқори савияда тўп суради?

– У неча ёшгача футбол ўйнамоқчилигини билмайман. Бироқ у қари ҳам эмас. У бошқа нуқтада ўйнаб, ўйинга таъсир қила олади. Ҳозир Роналду кўпроқ марказда ўйнамоқда, бироқ вақти келиб орқароққа қайтишга мажбур бўлади. Менимча, у яна 3-4 йил юқори савияда ўйнай олади.

- У яна «Олтин тўп»ни қўлга киритиши мумкинми?

– Шубҳасиз, 2-3 йил ичида, худди Месси каби. Бошқалар эса бироз кутиб туришлари керак. Аммо биз жамоавий совринларни ютиб, Левандовски каби футболчиларга ёрдам бериб юборишимиз ҳам мумкин – деди Анчелотти.