«ПСЖ» бош мураббийи Унаи Эмерининг келажаги мавҳум бўлиб турибди. 45 ёшли мутахассиснинг парижликлар билан шартномаси 2018 йилнинг ёзига қадар тузилган. Аммо клуб раҳбарияти испан мураббийининг фаолиятидан қониқиш ҳосил қилмаяпти ва уни истеъфога чиқариши мумкин.

L’Equipe нашри тарқатган маълумотга қараганда, агар мутахассис истеъфога чиқарилса, «ПСЖ» раҳбарияти Эмерига 10,5 миллион евро компенсация маблағини тўлайди.

Унаи Эмери бошчилигидаги «ПСЖ» ҳозирда Франция чемпионатида 3-ўринни эгаллаб турибди. Жамоа пешқадам «Ницца»дан 7 очко ортда қолмоқда. Жамоа сўнгги 3та ўйинда ғалаба қозона олмади — «Ницца» (2:2), «Монпелье» (0:3), «Генгам» (1:2).