"Ливерпуль" бош мураббийи Юрген Клопп АПЛнинг 17-турида "Эвертон" устидан қозонилган ғалаба (1:0) борасида фикр билдирди.
"Қониқиш сўзи ҳозир кечираётган ҳиссиётларимни англатиб беролмайди. Бу ҳаққоний ғалаба. Ўйиндан сўнг қиладиган энг ёқимли иш - ғалабадан шодланаётган мухлисларни томоша қилиш. "Эвертон"нинг биронта вазиятини эслай олмайман.
Рақиб бизни бутун майдон бўйлаб таъқиб қилди, бундай ўйинга қаршилик қилиш осонмас. Аввалига ўйинимиз ҳеч чиқмади. Иккинчи бўлимда яхшироқ ўйнай бошладик ва гол урдик.
Агар фақат яхши ўйнаган ўйинларингизда ғалаба қозонсангиз, ғалабаларингиз сони кўп бўлмайди", - дейди Клопп.
