Ўзбекистонлик футболчи Жавлон Гусейнов Таиланднинг “Чайнат Ҳорнбил” жамоаси билан шартнома имзолади ва эндиликда фаолиятини ушбу клубда давом эттирадиган бўлди.
Жавлон Таиландга йўл олишдан аввал “Андижон” футбол клубида фаолият олиб бораётган эди.
Маълумот учун, Гусейновнинг янги жамоаси 2016 йилги мавсумда Таиланд чемпионатининг 17-ўринини эгаллади ва элит лигани тарк этди. Янги мавсумни “Ҳорнбил” 1-лигада ўтказади.
“Ҳорнбил” Таиланднинг Чайнат провицияси шарафини ҳимоя қиладиган клуб бўлиб, 2009 йилда ташкил этилган. Яқинда жамоани германиялик мураббий Бёрн Клим қабул қилиб олди. Жамоа 2012 – 2016 йиллар давомида Таиланд премьер-лигасида ҳаракат қилиб, якунланган мавсум уни тарк этган.
