Италиялик машҳур мураббий Фабио Капелло «Ювентус» клубини скудеттони муддатидан олдин қўлга криритди деб ҳисобламоқда.
Италия чемпионатининг 17 туридан сўнг жамоа «Рома»ни 7 очко ортда қолдирган.
«Кутилганидек, Италияда чемпионлик пойгаси тугади. «Ювентус» секин аста тезликни ошириб, ҳаммасини қўлга олди. Улар скудеттони қўлга киритади, чунки рақобатчиларнинг савияси паст. Қаторасига 5-6 чемпионлик унвони шундан далолат бермоқда.
Балки орадаги фарқ қисқа муддат ичида камайиб қолиши мумкин. Аммо бошқа жамоаларга яхши футболчилар етишмаяпти. «Юве»да эса ғолиблик менталитети ва зўр футболчилар бор» - деди Капелло Premium Sport эфирида.
