"Милан" бош мураббийи Винченцо Монтелла Италия Суперкубогида "Ювентус" устидан қозонилган ғалабадан сўнг (1:1, 4:3 пен.) фикрлари билан ўртоқлашди.

"Ғалаба қозониш ёқимли. Йигитла учун бу келажак учун юксалиш нуқтаси бўлиши керак, ахир бир "Ювентус"дай кучли жамоа билан тенг ўйнадик.

Биз президент Берлускони учун хурсандмиз, бу кубок унинг учун қанчалик муҳим экани ҳаммага маълум, бу совринни унга бағишлаймиз.

Биринчи 20 дақиқада ўзимизга ўхшамадик, аммо кейин ҳаяжонни енгиб, ўйинимизда бурилишлар ясадик.

Вазиятларимиз кўп бўлди, 90 дақиқа ичида ҳам ғалабага лойиқ эдик. Экстра таймларда чарчоқ ўз сўзини айта бошлади, ўйин охирида Дибаланинг амалга ошмай қолган имкониятидан сўнг мағлубиятга учраш жуда аламли бўлар эди", - дейди Монтелла.